Ka ardhur dhe reagimi i kryeministrit Rama mbi Teatrin, zhvillimet e fundit aty, ku si ai grupim artistësh që kunndërshtojnë prishjen e godinës së vjetër, e si opozita, janë ngujuar brenda sallës së shfaqjeve. Teatri do ndërtohet – premton Rama, duke i cilësuar refuzuesit si minorancë.
“Asnjë minorancë nuk mund të marrë peng asgjë e askënd në këtë vend. Me gjithë respektin për një minorancë aktorësh teatri dhe politikanësh që s’kanë hyrë kurrë në teatër, po janë mësuar të bëjnë teatër me çdo gjë, Teatri i ri Kombëtar do të ndërtohet si plan e përgjegjësi qeverisëse.
Teatrin e ri Kombëtar e kërkon kryeqyteti, vendi, kombi e shumica e komunitetit të artistëve të skenës. Njësoj si Stadiumi i Ri kombëtar ai do të jetë një gur kilometrik në rrugën e Shqipërisë që duam. Kush s’është dakord është i respektuar, po s’ka as mandat as të drejtë të pengojë”, shkroi shefi i mazhorancës. /tesheshi.com/
