“Sot është një ditë historike, një përmbushje e ëndrrës për të cilën kemi pritur gati 60 vjet. Endrra jonë për të pasur një makinë të bërë duke përdorur teknologjinë tonë nga projektuesit dhe inxhinierët tanë më në fund është përmbushur “, tha Presidentin turk Rexhep Tajip Erdogan, duke zbuluar makinën e parë autentike turke. Erdogan njoftoi se ai do të jetë blerësi i parë i kësaj makine të re.
Qershorin e kaluar, pesë gjigantë të industrisë turke, respektivisht Anadolu Group, BMC, Kok Group, Turkcell dhe Zorlu Holding, si dhe organizata ombrellë Unioni i Odave dhe Shkëmbimeve të Mallrave të Turqisë, bashkuan fuqitë për të krijuar nismën TOGG, e cila projektoi automobilin vendas të Turqisë për një periudhë 18-mujore.
TOGG deri në vitin 2030 do të prodhojë pesë modele të ndryshme, respektivisht SUV, Sedan, C-hatchback, B-SUV dhe B-MPV, si dhe do të zotërojë të drejtat e pronësisë intelektuale dhe industriale të tyre, raporton media turke.
Sipas Anadolia, Erdogan theksoi se Turqia nuk do të lejojë përpjekjet për të penguar prodhimin e automjetit të saj.
“Ata arritën të pengojnë prodhimin e Devrim (makina e parë vendase e Turqisë), por nuk do të jenë në gjendje ta pengojnë këtë automobil”, shtoi ai.
Turqia fillimisht u përpoq të prodhojë makinën e vet në vitin 1961, të quajtur Devrim, por ajo kurrë nuk kaloi fazën e prototipit.
“Turqia nuk është vetëm një treg për teknologji të reja, por është bërë një vend që zhvillon, prodhon dhe eksporton ato në të gjithë botën”, tha Erdogan.
“Automobili nuk do të ndotë mjedisin, për arsye se punon me teknologji me zero-emetime”, shtoi ai. /tesheshi.com/
