Kreu demokrat Basha ka shmangur çdo koment mbi rezultatin e deritanishëm, i konsideruar katastrofik për partinë e tij, dhe në të parin mesazh të përcjellë që nga mbrëmja e djeshme, është fokusuar tek komisionerët.
“Të dashur komisionerë, numërues dhe vëzhgues të PD, numërimi i votave vazhdon në kushte të vështira për ju, të orëve të gjata, të vapës dhe nën presionin e kundërshtarëve. Secili prej jush ka mirënjohjen më të thellë dhe mbështetjen totale të demokratëve dhe timen për të garantuar numërimin deri në fund të çdo vote. Mos lejoni asnjë deformim, asnjë tjetërsim të vullnetit. Çdo votë vlen, çdo votë duhet numëruar, çdo votë duhet llogaritur deri në fund. Për demokratët dhe të gjithë qytetarët e ndershëm të këtij vendi, ju jeni shembulli më i lartë i kurajos politike dhe qytetare”, thotë Basha.
Sakaq, nuk ka ende asnjë reagim nga LSI-ja. Ndryshe nga Basha, Meta ishte euforik në deklarimet e para pas mbylljes së procesit të votimit, duke shprehur bindjen e thellë se Rama ka humbur, siç tha “bashkë me timonin e tij”. /tesheshi.com/
