E përditshmja amerikane The New York Times shkruante në artikullin kryesor mbi zgjedhjet në Turqi se po zbatohet plani i Erdogan për të fuqizuar pushtetin e tij dhe për ta kthyer Turqinë në një republikë të modelit Presidencial, që do të thotë se ai do të jetë edhe kryetar i qeverisë dhe i shtetit.
Gazeta Washington Post, thekson se rezultati “ka qenë një lëvizje e konsiderueshme politike në emër të presidentit Rexhep Tajjip Erdogan dhe për partinë në pushtet ka patur një zhvillim të konsiderueshëm në zonën e juglindjes me popullsi me shumicë kurde”.
Ndërsa në lajmin e agjencisë Bloomberg është pohuar se AK Partia ka rimarrë votat që humbi në qershor dhe ka përmirësuar pushtetin e saj 13-vjeçar.
Televizioni Al-Jazeera vuri theksin në fitoren e bindshme të Partisë AK në zgjedhjet e përgjithshme në Turqi.
Në lajmin e saj që përcolli ky televizion në lidhje me rezultatet e zgjedhjeve thuhet se shtypi izraelit lexuesve të saj lajmin në lidhje me rezultatet e zgjedhjeve në Turqi u përcolli me titullin “Kthim në udhëheqje me një parti”.
La Repubblica në shkrimin e të dërguarit të saj Bernardo Valli thekson se Erdogan ka mundur së bashku si laikët ashtu dhe kurdët, duke treguar se Turqia ka një diapazon të qartë islamik të zgjedhësve.
Televizioni rus në gjuhën angleze Russia Today, ka realizuar një reportazh ku thekson se rritja e pushtetit të Erdogan bën që të bëhet ai më i rrezikshëm si brenda vendit ashtu dhe në planin ndërkombëtar.
/tesheshi.com/
