Suksesi i xhudistes kosovare Majlinda Kelmendi në Lojërat Olimpike që po zhvillohen në Rio de Zhanejro nuk ka kaluar pa u vënë re dhe në median serbe, që nuk ka munguar ta pasqyrojë lajmin.
Radio B92 shkruan se Kelmendi në gjysmëfinale ka qenë më e mirë sesa xhudistja nga Japonia, Misato Nakamura, ndërkaq në finale ka mundur italianen Odette Giuffrida, duke fituar kështu medaljen e artë.
Kelmendi, shkruan B92, para katër vitesh ka marrë pjesë në Lojërat Olimpike në Londër, ku ka fituar medaljen e bronzit, por atëherë ajo ka garuar me flamurin e Shqipërisë.
Portali serb përmend faktin se Kosova është pranuar në Komitetin Olimpik Ndërkombëtar në dhjetor të vitit 2014, edhe pse nuk është pranuar në Kombet e Bashkuara.
Reagimet nga komentuesit e portalit serb kanë qenë kryesisht pozitive, dhe nuk kanë munguar urimet për Majlindën dhe të gjithë qytetarët e Kosovës për këtë fitore të madhe. /tesheshi.com/
