Kjo nuk është nga ato historitë me fund të lumtur. Ky qen 2-vjeçar është braktisur nga pronarët e tij për ta zëvendësuar atë me një tjetër qen.
Zuzu, kështu quhet qeni, ishte gjetur në rrugët e Downey në Kaliforni dhe ishte dërguar në Animal Care Center. Fillimisht vullnetarët menduan se ishte një endacak, por më pas panë se nuk sillej si i tillë.
Sjellja e qenit ndryshoi papritur kur në qendër mbërriti një familje. Kur familja po kalonte afër tij, ai filloi të lehte i gëzuar. Famlja ndaloi dhe filloi ta ledhantonte Zuzun, duke i folur nga ana tjetër e gardhit. Dukej se njiheshin mirë dhe që ata ishin pronarët e qenit.
Por, ndryshe nga sa pritej, ata nuk e morën qenin me vete në shtëpi. Pronarët i thanë vullnetarëve se Zuzu ishte qenushja e tyre, por ata nuk ishin aty për të, pasi donin një qen tjetër.
Postimi i Desi Laras, njërës nga vullnetarët e qendrës, u përhap shumë herë në internet dhe u shoqërua me qindra e mijëra komente, sigurisht aspak pozitive ndaj ish-pronarëve të qenushes.
