Rasti që ka trazuar Greqinë: si kaloi Maria në Islam?

Media greke vijon ta ketë ndër lajmet kryesore për trajtim rastin e Marias 24-vjeçare nga Volosi, e cila u kthye nga Anglia në vendlindjen dhe shtëpinë e saj si muslimane, me shami, pra kaluar në Islam. Për këtë arsye ajo u rrah brutalisht nga i ati, gjë që e çoi këtë të fundit në gjyq, ku ka marrë dënimin me tre vjet burg për dhunën e ushtruar mbi të bijën.

Po si kaloi në Islam Maria, kjo e re në greke, tejet simpatike në foton para Islamit që ka publikuar media greke?

Ka qenë një tjetër e konvertuar, një 20-vjeçare italiane, ajo e cila ka ngacmuar interesin e 24-vjeçares greke për Islamin.

“Ajo më tha se tashmë po lexonte Kuranin dhe ishte i interesuar të mësonte më shumë,” zbuloi studentja 20-vjeçare italiane, edhe ajo në Newcastle të Anglisë, ku jeton dhe punon Maria.

“Ne u njohëm në universitet në Angli dhe kështu u miqësuam. Filluam të flisnim me njëra-tjetrën dhe më pas ajo filloi të më pyeste për fenë time, sepse i thashë se unë dhe mamaja ime jemi konvertuar në Islam. Dhe ajo filloi të më bënte pyetje se si unë dhe mamaja ime përqafuam Islamin”, tha 20-vjeçarja për Mega-n dhe emisionin Live News ndërsa vijoi duke përmendur interesin e madh që shoqja e saj greke tregonte për Islamin.

“Ajo më tha se tashmë po lexonte Kuranin dhe ishte i interesuar të dinte më shumë se pse gratë duhet të mbajnë shami, për disa rregulla si fjala vjen se pse nuk lejohet konsumi i alkoolite gjëra të tilla. Ajo filloi të mësonte më pas se si të lutej. Pra, si dy të krishtera, unë katolike dhe ajo ortodokse, na bashkoi Islami, pasi jemi tashmë të dyja pjesë e këtij besimi”, tha 20-vjeçarja italiane.

Ajo vijoi më tej duke thënë se “ishte mamaja ime ajo që e para përqafoi Islamin. Ne ishim katolikë në fillim, sepse italianët të tillë janë në trashëgimi fetare. Por ajo nisi të studionte fetë e tjera ku u njoh me Islamin. Më pas vendosi ta përqafojë atë”.

Dy të rejat tashmë jetojnë e punojnë në një mjedis ku shamia nuk është përjashtim, pra siç ndodh në Angli, ku përkundrazi është pjesë e përditshmërisë. /tesheshi.com/