Një dokument i një organizmi të rëndësishëm ndërkombëtar ka “kqryqëzuar” qeverinë e Nikolla Gruevskit në Maqedoni, duke e cilësuar si një “regjim të kapur.
Grupi Ndërkombëtar i Krizave, në dokumentin e tij më të fundit thekson se aparati shtetëror është i kapur dhe i korruptuar nga partia kryesore politike.
Në këtë raport të titulluar: “Maqedonia-Çaktivizimi i Bombave”, konstatohet se institucionet e diskredituara të shtetit, nuk munden dot të përballen me krizën dhe për këtë, Bashkimi Evropian duhet të ushtrojë trysni që t’arrihet një marrëveshje gjithëpërfshirëse, e cila do të nënkuptojë krijimin e një qeverie të përkohshme nga partitë më të mëdha politike, qeveri kjo e cila më vonë, do të zbatojë të gjitha reformat e kërkuara në drejtim të krijimit të kushteve për mbajtje të zgjedhjeve të besueshme.
“Shumica e atyre që duhet të jenë përgjegjës për tu përballur me parregullsitë ligjore janë vetë të përfshirë në to, ndërsa gjetjet e tilla rezultojnë nga përgjimet e publikuara, të cilat dëshmojnë se njerëz të qeverisë kanë bërë plane se si të pengojnë zgjedhjet, t’i manipulojnë gjykatat, t’i kontrollojnë mediat dhe t’i ndëshkojnë kundërshtarët” thekson raporti.
Grupi Ndërkombëtar i Krizave propozon masa konkrete për dalja nga kriza politike ndërsa thekbësore për të është një qeveri kalimtare:
“Qeveri kalimtare me pjesmarje të të gjitha partive të mëdha, me qëllim kryesor për të zbatuar reformat për zgjedhje të besueshme në prill të vitit 2016, që nënkupton reforma për fletët e votimit, për mbulimin mediatik të barabartë dhe për rregullimin e çështjes së abuzimit që bën pushteti për qëllime partiake,” rekomandon GNK-ja, në raportin e të cilës kanë zënë vend dhe ngjarjet e Kumanovës ku thuhet se përleshja e armatosur atje vihen në kontekstin e stabilitetit rajonal, për çka rekomandohet formimi i një komisioni të përbashkët mes Maqedonisë dhe Kosovës, me ndihmën e ekspertëve nga BE dhe SHBA i cili komision do të zbardhë të vërtetën për incidentin e armatosur te “Lagjja e Trimave”.
Përgatiti: Bekim Laçi /tesheshi.com/
