Ekonomia në Britaninë e Madhe dhe në Shtetet e Bashkuara do të rritet më ngadalë në vitin 2017 sesa ishte parashikuar. Fondi Monetar Ndërkombëtar ka ulur pritshmëritë nga këto dy ekonomi të mëdha botërore.
Në raportin e FMN-së flitet për një aktivitet më të dobët nga sa pritej në tre muajt e parë të vitit që do të thotë se Britania e Madhe do të rritet ekonomikisht me 1.7 për qind krahasuar me parashikimin e mëhershëm prej 2 për qind.
FMN po ashtu ka rishikuar edhe rritjen ekonomike në Shtetet e Bashkuara, nga 2.3 për qind në 2.1 për qind,
Sidoqoftë, parashikimi për rritjen globale, prej 3.5 për qind në vitin 2017 dhe 3.6 për qind në vitin 2018, mbetet i pandryshuar.
Ndërkohë, për disa vende të eurozonës duket se pritshmëria është më e mirë nga sa parashikohej, ku përfshihen Franca, Gjermania, Italia dhe Spanja të cilave u është rishikuar pritshmëria me rritje./tesheshi.com/
