Banorët e Evropës po marrin nga natyra më shumë se sa që po japin, thotë një raport i Global Footprint Network. Raporti tregon se evropianët “lëshojnë shumë karbon, hanë shumë ushqim, përdorin sasi të mëdha druri dhe zënë shumë hapësirë ndërtimi”.
Si rrjedhojë, raporti del në përfundim se evropianët kontribuojnë në mënyrë jo proporcionale, duke i zvogëluar burimet e ripërtëritshme.
Qeveria e Mbretërisë së Bashkuar thotë se po e çon përpara përpjekjen për të zvogëluar ndikimin e Evropës në planet.
Në fakt, Britania e Madhe jep emetime të karbonit më shumë sesa ekosistemet natyrore të planetit mund të absorbojnë. Si rrjedhojë, industria shkatërron përmes shpyllëzimit më shumë sesa natyra mund të rigjenerohet, peshkimi tejkalon normat e lejueshmërisë duke dëmtuar balancin e jetës nënujore, si dhe erozioni i tokës po shkakton zhdukjen e specieve.
BE përdor pothuajse 20% të “bio-kapacitetit” të Tokës, edhe pse përbën vetëm 7% të popullsisë botërore.
Me fjalë të tjera, 2.8 planetë do të duheshin nëse gjithkush konsumon me normën e banorit mesatar të BE.
Raporti vjen një ditë pasi krerët e BE mbajtën një samit për të ardhmen e Evropës në Rumani dhe dy javë përpara zgjedhjeve të Parlamentit Evropian.
Ai rekomandon ndryshime urgjente për të mbrojtur dhe përmirësuar natyrën në Evropë deri në vitin 2030 dhe kërkon të pakësoj pothuajse tërësisht emetimet e karbonit deri në vitin 2040. /tesheshi.com/
