Nga Alba Skëndaj
Drejtësia e munguar? Pronat e vjedhura? Pushteti i krimit ende prezent? Shteti apatik? Të paaftët në krye të punëve? Korrupsioni cfilitës? Mungesa e shërbimeve? Cilësia e ulët e jetesës?….jo, nuk kanë këto çështjen që më së shumti shqetësojnë qytetarët shqiptarë, dalë nga raportet e dëgjesave me Ramën.
Është uji! Pra, shqiptarët mbeten ende të përvëluar për një pikë uji, edhe pse janë të tjera gjëra që duket se ja kanë bërë jetën sterr. Dhe, nëse e ujin e gjykojmë dhe në këtë rast si kriter fizik ekzistence, duket se shqiptarët mbijetojnë, më shumë sesa jetojnë….
Duke e nisur me Kukësin dhe duke e përfunduar me Vlorën, kryeministri Edi Rama ka publikuar gjatë dy javëve raportet e dëgjesave me qytetarët në 12 qarqet e vendit.
Raportet të titulluar “bashkëqeverisje me njerëzit” u hartuan pas zgjedhjeve të 25 qershorit dhe pas një muaj dëgjesash me qytetarët të organizuara nga ekipet e deputetëve në çdo qark. Në to bëhet një pasqyrë zgjedhore e rezultateve të zgjedhjeve të fundit krahasuar me ato të vitit 2013, ku tabela përfshinte votat e marra nga tre partitë kryesore: PS, PD dhe LSI.
Në faqen e fundit të çdo raporti janë rreshtuar ankesat e qytetarëve në takimet me deputetët ose me vetë Ramën gjatë turit të dëgjesave.
Tesheshi.com analizoi të 12 raportet për 12 qarqet e vendit për të nxjerrë një konkluzion se cilat janë çështjet që shqetësojnë më tepër shqiptarët, të cilat ata i kanë ngritur në dëgjesat me Ramën, dhe në vend të parë rbnditet “uji i pijshëm”.
Në një vend ku, sipas raportit të Bankës Botërore, citojmë “burimet ujore arrijnë në 41.7 miliardë metra kub (BCM) ose 13,300 metra kub (m3) për frymë” , banorët e pothuaj të gjithë qarqeve ankohen për ujë të pijshëm dhe për mungesë uji për vaditje.
Nëse ka një pikë urgjente nga duhet të nisë investimet qeveria e re në bazë të asaj çfarë kërkon “bashkëqeverisja me njerëzit”, ajo është investimi në ujësjellësat në të gjithë vendin.Gjithashtu zhvillimi i bujqësisë, i cili varet drejpërdrejt nga uji për vaditje, kërkon po ashtu vëmendje në tërheqjen e burimeve të ujit në përdorim për këtë sektor.
Pas ujit, papunësia, pronat, rrugët dhe mungesa e spitaleve janë çështjet që janë përmendur pothuajse në çdo takim të qytetarëve me deputetë apo me vetë Ramën.
Rasti i Beratit ku një drejtor i ALUIZNI-t u shkarkua nga Rama live pasi një grua e moshuar u ankua se sorrollatej me vite për legalizimin e një shtese pallati, ishte vetëm maja e ajsbergut të vuajtjeve që shqiptarët po përjetojnë me legalizimet dhe mbivendosjen e pronave, ku futen në lojë hipotekat.
Pra nëse mungesa e ujit të pijshëm kërkon investime të drejpërdrejta të qeverisë në sektor, çështja e pronave kërkon padyshim një reformim të administratës që merret me këtë punë dhe një strategji konkrete për t’u dhënë zgjidhje mijëra çështjeve të hapura të mbivendosjes së pronës, konflikteve dhe legalizimeve të ndërtimeve pa leje.
Shëndetësia një tjetër problem bazik për shqiptarët, ku në qarqe të ndryshme, siç është ai i Dibrës mungojnë mjekët dhe mungon infrastruktura. Por edhe në qarqe më të mëdha mungesa e qendrave shëndetësore në zonat rurale është shfaqur si problem me rëndësi në dëgjesat e PS-së.
“Punë ka, por s’ka profesionistë”, pati thënë Rama në fillimet e mandatit të parë, por mesa duket ka kafshuar gjuhën për këtë, kur ka bredhur në çdo qark dhe njerëzit janë ankuar se s’kanë punë. Papunësia është një ndër 3 problemet më të shpeshta të ngritura në këto dëgjesa dhe një fakt i pranuar dhe nga të dhënat e INSTAT-it. Papunësia është e madhe kryesisht në radhën e të rinjve, ku nga të dhënat e fundit vihet re se në moshën 15-29 vjeç papunësia është 27.4%.
Po ashtu me talljen që ai i bënte qeverisjes së Berishës se bënte vetëm “rrugë, rrugë, rrugë”, duket se nuk janë bërë rrugë mjaftueshëm pasi “mungesa e infrastrukturës rrugore” është një nga ankesat kryesore të shqiptarëve, ndaj Ramës do t’i duhet të mendojë për “rrugët” në mandatin e dytë qeverisës.
Raport mbi raportet: Ankesat sipas qarqeve
Qarku Tiranë:
Uji i pijshëm
Infrastruktura
Legalizimet
Siguria Ushqimore
Papunësia
Qarku Shkodër:
Legalizimeve dhe regjistrimi i pronave
Mungesa e rrjetit të ujësjellësit
Mungesën e infrastrukturës rrugore
Mbifaturimet nga OSHEE
Paaftësia e administratës publike
Mungesa e shërbimeve apo investimeve në bujqësi.
Qarku Berat:
Rrugët kryesore e dytësore
Uji i pijshëm
Uji për vaditje dhe kanalet kulluese
Rrugët e parcelave dhe subvencionet
Punësimi
Investimet tek lagjet muzeale
Qarku Dibër:
Uji për vaditje
Rrugë
Çështja e pronave
Papunësia
Spitali pa kushte, mungesa e mjekëve
Qarku Kukës:
Mungesa e ujit
Mungesa e kanalizimeve
Spitalet
Rrugët
Qarku Lezhë:
Mungesa e ujit të pijshëm
Sistemi i vaditjes
Pronësia mbi tokën (mbivendosjet)
Aministrata e politizuar
Papunësia
Rrugët
Qarku Durrës:
Mungesa e ujit të pijshëm
Rrugët
Mungesa e semaforëve
Kanalizimet
Pronat
Instrastruktura e shkollave
Qarku Korçë:
Mungesa e ujit të pijshëm
Sistemi i rrugëve rurale dhe dytësore
Infrastruktura mësimore
Dhënia e kempit dhe ndihmës ekonomike
Amdinistratë e paaftë
Grumbullimi dhe shitja e produkteve bujqësore
Qarku Elbasan:
Uji i pijshëm
Investime në sistemin e ujësjellësit
Papunësia
Rrugët
Zhvillimi i bujqësisë
Qarku Fier:
Legalizimet
Mungesa e ujit të pijshëm
Infrastruktura rrugore
Mungesa e tregjeve dhe grumbullimit
Rregullimi i Gjanicës
Administrata e paaftë
Faturat e energjisë
Qarku Gjirokastër:
Uji i pijshëm
Uji për vaditje
Bujqësia
Infrastruktura
Niveli i shërbimit spitalor, mungesa e mjekëve
Niveli i cilësisë së mësimdhënies
Qarku Vlorë:
Mungesa e ujit
Kanalizimet
Papunësia
Problemet e pronave, legalizimet, mbivendosja
Rrugët
Rrjeti elektrik
Ndotja e mjedisit
/tesheshi.com/
