Për shumë muslimanë, Ramazani është periudhë e dedikimit dhe përkushtimit fetar, që ngërthen në vete agjërimin nga lindja deri në perëndim të diellit.
Faqja presitigjioze www.personneltoday.com, e cila merret me çështje të resurseve humane. ka publikuar një listë prej katër pikave të përgatitura nga Ashok Kanani, në të cilat jepen këshilla për punëdhënësit se si duhet mbështetur punonjësit të cilët u përmbahen adhurimeve dhe festave fetare.
Muaji i Ramazanit fillon të hënën e 6 qershorit dhe përfundon 30 ditë më vonë, të martën me 5 korrik 2016.
- Mbani një rregullore për ritet dhe festat fetare
Menaxherët duhet të keni njohuri mbi rregullat e përgjithshme në lidhje me ritet fetare gjatë orarit të punës.
Ata duhet t’jua lejojnë ritualet fetare punonjësve të një përkatësie, ngase refuzimi mund t’i shpie drejt diskriminimit fetar.
Kjo rregullore do të ketë ndikim pozitiv edhe tek punonjësit.
Në anën tjetër, mungesa e një rregulloreje të tillë, bashkë me mosofrimin e mbështetjes së punonjësve, në kuptim të mundësimit të kryerjes së praktikave të caktuara të cilat kërkohen sipas besimit të tij fetar, mund të shpie deri tek akuzat për diskriminim fetar.
- Tregoni tolerancë dhe mirëkuptim për shkallën e produktivitetit
Është mëse evidente se agjërimi i personit do të ndikojë në produktivitetin e tij, sidomos kah fundi i orarit të punës.
Menaxherët duhet të jenë të ndërgjegjshëm për këtë, dhe jo të penalizojnë apo kritikojnë padrejtësisht punonjësin.
- Gjeni mënyra për të akomoduar kërkesat për pushim vjetor
Ekspertët e resurseve humane e kanë kalendarin e datave për të gjitha festat islame, hebreje, krishtere, hindu dhe kineze.
Punonjësit duhet të llogarisin në kërkesa të mëdha për pushim vjetor gjatë kohës sa zgjasin këto festa apo rituale fetare.
Fundi i muajit të Ramazanit shënohet me festën e Bajramit, i cili nënkupton fundin e periudhës së agjërimit.
Si pasojë, punonjësit mund të presin numër të madh të kërkesave për pushim vjetor kah fundi i muajit të Ramazanit.
- Të merret në konsideratë efekti i trajnimeve, konferencave dhe mbledhjeve
Punëdhënësit mund të vërejnë se ka prej punonjësve me agjërim, që ngurrojnë apo hezitojnë të marrin pjesë nëpër trajnime, konferenca apo mbledhje të ndryshme.
Gjatë Ramazanit, muslimanët janë të obliguar që të abstenojnë prej çfarëdo ushqimi dhe pije, nga lindja deri në perëndim të diellit.
Në përputhje më keto rrethana, punonjësit duhet që të marrin në konsideratë kërkesat për t’u liruar nga këto trajnime, konferenca dhe mbledhje gjatë Ramazanit, ngase në të kundërtën punëdhënësi mund të akuzohet në diskriminim direkt dhe indirekt.
Menaxherët duhet të bisedojnë me punonjësin për të shtjelluar në plotësi rezervat e tij/saj në lidhje me pjesëmarrjen në atë event, me qëllim të arritjes së një kompromisi të mundshëm.
Shembull: prezenca e ushqimit dhe pijeve në atë event mund të paraqesë shqetësim për punonjësin. /tesheshi.com/
