Nga Blendi Gashi
Ramush Haradinaj, në përpjekjen e parë për ta ratifikuar Demarkacionin me Malin e Zi, marrëveshje që aq shumë e kundërshtoi si opozitar, ka dështuar pasi nuk ka arritur t’i bëjë 80 votat e nevojshme, edhe pse me të hyrë në sallën e seancave nisi lobimin.
Mirëpo siç duket, ai nuk e ka llogaritur mir ë hakmarrjen që mund t’i vinte nga LDK-ja e Isa Mustafës e cila u rrëzua nga pushteti pikërisht për mosratifikimin e Demarakcionit.
Si Bulliqi ja bëri “sherrin” edhe Haradinajt…
Dy orë e gjysmë pritën disa nga deputetët e partivepër të nisur debatin lidhur me marrëveshjen për Demarkacionin. Por kjo nuk ndodhi pasi mungesa e deputetëve të LDK-së, përjashto këtu Teuta Rugovën dhe një apo dy tjerë të kësaj partie, bën që Kadri Veseli të vjen në sallë dhe të njoftojë se seanca shtyhet për nesër në ora 10:00 pa dhënë ndonjë arsyetim tjetër, përvec asaj se kjo gjë ndodh me dakordësi të gjitha grupeve parlamentare.
Arsyea pse u shty kjo seance është kushti që vendosi LDK për votimin e Demarakacionit: që raporti i Shpejtim Bulliqit të jetë veç informues dhe të mos jetë pjesë e projektligjit, si dhe të riformulohet.
“Ne si LDK duam ta votojmë marrëveshjen e 2015-ës dhe deklaratën e dy presidentëve, por jo edhe raportin e Shpejtim Bulliqit. Nuk mund të votohet edhe raporti edhe marrëveshja. Sa i përket disa transformimeve, nuk flas për to, por besoj që po shihet se pa LDK-në nuk mund të shkojë përpara ky vend”, ka thënë deputeti Ismet Beqiri.
Kurse deputeti tjetër i LDK-së, Haxhi Avdyli ka shkruar në Facebook se “ne jemi të vendosur për të përfunduar lojën me ngërqet e panevojshme. Na jemi të qartë, parimor, unik për të zhbllokuar situatën me zgjidhje të qartë të lëmshit. Ne s’do perkrahim zgjidhjet që duken as mish as peshk me ligje që bien ndesh me veten”.
Kjo kërkesë e tyre me gjasë nuk u pranua nga Haradinaj, për çka edhe vet deputeti i AAK-së, Rasim Selmanaj në një dalje para mediave tha se ai nuk e voton Demarkacionit nëse nuk votohet edhe raporti i Bulliqit.
Për të bindur LDK-në të lëshojë pe u angazhuan ambasadorët e huaj e kryekuvendari Kadri Veseli, për cka zhvilluan takime me shefin e grupit parlamentar të LDK-së, Avdullah Hotin e deputetin Ismet Beqiri, por kjo nuk dha asnjë efekt .
Ndërsa Bulliqi i është kundërpërgjigjur partisë së tij duke thënë se kërkesa për heqjen e raportit të tij është tendencë për të fshehur humbjen e territorit.
“Largimi i raportit tim është tendencë që mos nxjerrët realiteti i humbjes së territorit dhe mosrealizimit të deklaratës së dy presidentëve. Korrigjimi bazohet në ligj e jo në raporte”, ka thënë Bulliqi.
Pra ky i fundit po del të jetë “mollë sherri” edhe për Haradinajn e jo veë për Mustafën të cilin e kundërshtoi për Demarkacionin.
Mbetet të shihet nëse Ramushi do të tërhiqet para kërkesës së LDK-së pa votat e të cilës nuk ka kurrfarë gjasa të ratifikohet Demarakacioni, pasi që Vetëvendosje është deklaruar kundër ashtu si edhe Lista Serbe. /tesheshi.com/
