Kreu i AAK-së, Ramush Haradinaj, i cili vazhdon të mbetet në Francë nën masën e lirimit me kusht në pritje në vendimit përfundimtar se a do të ekstradohet në Serbi për gjykim apo do të lihet i lirë, ka kritikuar sërish presidentin Thaçi dhe kryeministrin Mustafa për uljen në një tavolinë në Bruksel me krerët serbë, Nikoliq e Vuçiq.
“Bisedimet e Hashim Thaçit e Isa Mustafës me shërbëtorët e Millosheviqit e të Sheshelit, për tërheqjen e Listës së të Përndjekurve të Serbisë, ku ndodhet edhe emri im, janë poshtërimi i radhës që po i bëhet Kosovës dhe shqiptarëve,” ka shkruar Haradinaj në Facebook.
Ndryshe, sot tri subjektet politike opozitare, Vetëvendosja, AAK-ja dhe Nisma, përmes një konference për mediat kanë kërkuar pezullimin e bisedimeve, me arsyetimin se “Kosova nuk është e barabartë me Serbinë në këto bisedime”. /tesheshi.com/
