Ndër urimet e shumta të krerëve të politikës për nisjen e muajit të Ramazanit, veçon ai i Gramoz Ruçit, që, përkundër faktit të të konsideruarit ateist, ka shprehur dëshirën për t’ju rritur besimi në këtë muaj.
“Sot besimtarët muslimanë nisin kremtimin e muajit të bukur e të bekuar të Ramazanit.
U uroj të gjithëve agjërim të lehtë dhe lumturi në familje.
Edhe pse me vështirësitë dhe kufizimet që na ka imponuar pandemia, ky muaj na shtoftë besimin, dashurinë dhe shpresën se festimet për gëzimet e jetës do të kthehen shumë shpejt!”, shkruan Ruçi.
Nuk dihet nëse fraza e mësipërme “ky muaj na shtoftë besimin”, vjen si pasojë e të birit që kohët e fundit është afruar me xhaminë. /tesheshi.com/
