Kryeministri Edi Rama i ka mëshuar sërish tezës së tij të kaharshme qyshse nisi të qeverisë, se punë ka, porse mungojnë specialistët.
“Ajo që u tha nga Klosi se në Shqipëri punë ka por nuk ka specialistë, e vërteta është që është realiteti i përditshëm i të gjithë ballafaqimeve tona me kompanitë dhe gjithë ballafaqimeve të pasuksesshme të njerëzve në kërkim të një pune me kompanitë.
Sot nuk ka, dhe e them me përgjegjësi, asnjë kompani të madhe që klasifikohet si biznes i madh që nuk ka vend pune. Në çdo derë kompanie po të trokasësh do të shohësh se ka vende të lira pune, problemi i kompanive është aftësia specifike për mbulimin e nevojave të këtyre vendeve të lira të punës”, tha Rama duke folur në konferencën kombëtare të punësimit.
Më tej, shefi i qeverisë u shpreh optimist për realizimin e objektivit të shpallur për realizimin e 25 mijë punësimeve të reja brenda këtij viti.
“Në muajt mars, prill, maj ne kemi kapërcyer 10 mijë të punësuar. Jemi shumë optimistë që do realizojmë objketivin për të pasur 25 mijë të puënsuar të rinj në 2018 vetëm përmes zyrave të punës”, theksoi Rama. /tesheshi.com/
