Radhën e kanë patur drejtorët e AKU-së, Agjencisë së Kontrollit të Ushqimit, që të përballen me kryeministrin Rama dhe akuzat e tij.
“AKU është një vatër e infektuar nga korrupsioni e ku gjobëvënia për qëllime korruptive është standard”, ka pohuar Rama, që më pas u ka kërkuar drejtuesve që të largohen vullnetarisht.
Por siç dihet, kjo instancë shtetërore është drejtuar nga PDIU-ja e Shpëtim Idrizit gjatë katër viteve të kaluara, pasi ky i fundit iu shkëput dalëngadalë Berishës në kushte opozite, për t’u bashkangjitur Ramës në kushte pushteti, e marrë më pas prej tepsisë disa llomka pushtet, sidomos atje ku korrej paraja nga marrja e gjobave ose falja e gjobave me gjoba ndër dorë.
“Sot ka ende pajisje laboratorike që janë në kuti prej vitesh sepse nuk di t’i përdorë njeri. Dhe nuk ka kush t’i përdorë sepse njerëzit janë futur në AKU vetëm për t’u dhënë një rrogë e jo për të bërë punën”, tha Rama.
Megjithatë, ai për asnjë çast nuk e përmendi forcën politike që e drejtoi AKU-në. /tesheshi.com/
