Rama ka vendosur ta çojë rilindjen urbane dhe në Tropojë, bastion absolut demokrat, për faktin se ajo është vendlindja e Berishës.
Kreu i mazhorancës ishte ët hënën në “Bajram Curr” për të promovuar mbërritjen dhe aty të së ashtëquajturës Rilindje Urbane, dhe një ditë më pas e shoqëron post-vizitën e tij me një status sfidues, edhe politik padyshim:
“Puna për bulevardin e këmbësorve do të vazhdojë fillimisht me unazën e qytetit, gjimnazin dhe kompleksin e ri sportiv, ku përveç fushës së futbollit do të ndërtohen edhe terrenet e hapura të lojrave me dorë.
Ky është vetëm fillimi. Tropoja do të përfitojë nga reforma administrative-territoriale, që e vendos bashkinë e re në kushte të favorshme për të harmonizuar jetën urbane me një zhvillim rural shembullor.
Ne do të bëjmë për Tropojën më shumë se sa është bërë në 25 vjet të marra së bashku”.
Tropoja, ashtu si dhe Shkodra, mbeten kështjella të pa marra dot nga socialistët në këto 25 vjet.
Në rastin e Tropojës cështja paraqitet më delikate pasi ajo është vendlindja e Berishës, por që ky i fundit nuk i ka quajtur lidhjet e forta me të në vitë, madje duke munguar aty për një kohë të gjatë pas vitit 1997, kur aty shpërtheu një seri vrasjesh me implikime edhe politike, ku përmëndej edhe emri i tij. Por ndërkohë, pothuajse e gjithë politika i ka qëndruar larg Tropojës gjithë këto vite, duke e katandisur në një ndër zonat më të harruara. /tesheshi.com/
