Duke dhënë detaje nga negociatat me dy eurodeputetët McAllister dhe Knut Fleckestein që u zhvilluan mbrëmjen e 25 prillit në Pallatin e Kongreseve, kryeministri Rama pohoi se ishte një skenë që nuk duhet të përsëritet më. “Dy palë që rrinë në dhoma të ndryshme dhe komunikojnë me njëra tjetrën me asistencën e ndërkombëtarëve”, tha ai.
Nga foltorja e parlamentit, ai pranoi publikisht se ishte propozuar shtyrje e datës së zgjedhjeve deri më 16 korrik, dhe mundësia për të prekur qeverinë në poste kyçe që lidhen me sektorë ku mendohet se mund të ketë influencë drejtëpërdrejtë qeveria mbi zgjedhje.
Rama tha se maxhoranca ka qene e hapur për të hedhur në tryezë të gjitha këto propozime ndërsa kishte vendosur si kusht vettingun.
“Aty, për fat të keq kemi gjetur jo PD, e kryetarin e PD-së por përsëri miqtë e partnerët ndërkombëtarë. Skenë që uroj të mos përsëritet më kurrë në historinë e politikës shqiptare ku dy palët vijnë në dhoma të ndryshme me asistencë të huaj për të komunikuar me njëra tjetrën.
Na janë vënë në tavolinë dhe dy propozime të reja që ishin jashtë platformës në përpjekjen vullnetmirë për të gjetur një kompromis. Na është propozuar shtyrje e datës së zgjedhjeve deri më 16 korrik, dhe mundësia për të prekur qeverinë në poste kyçe që lidhen me sektorë ku mendohet se mund të ketë influencë drejtëpërdrejtë qeveria mbi zgjedhje. Përgjigjja ime ka qenë e qartë. Nuk kam thënë po as jo,por kam thënë vetëm jemi të hapur ta diskutojmë por vettingun. Pa vettingun nuk kemi çfarë të diskutojmë”, tha Rama. /tesheshi.com/
