Kryeministri Rama ishte në Grabian të Lushnjës, ku pa nga afër një investim të fuqishëm në sektorin e blektorisë.
“Në një nga fermat më të mëdha të mbarshtimit të lopëve dhe përpunimit të qumështit ku në bashkëpunim me financimet e BE-së, po modernizojmë proceset në sistemin e mjeljes për një qumësht më të sigurtë në treg”, shkroi shefi i qeverisë, ku në bisedë me investitorët u sqarua se pse ka nga ata fermerë që protestojnë se s’u shitet qumështi, ose se ka çmim të ulët, duke bërë që dhe ta derdhin në asfalt.
Eshtë vërtet faji i tyre apo i shtetit? Për këtë kërkoi shpjegime kryeministri.
https://www.facebook.com/edirama.al/videos/2668786296776486/?t=16
Gjithashtu, Rama qe dhe në një tjetër kompani të suksesshme eksporti bujqësor në Lushnje, te fenomeni “Neta”. Ai shoqërohej nga ambasadori Soreca në këtë vizitë në Myzeqeve.
https://www.facebook.com/edirama.al/videos/2677314145881937/?t=41
” Aty ku puna me tokën dhe transformimet mbresëlënëse të viteve të fundit nuk kanë bërë kurrë lajm dhe ku realiteti flet qartë për rilindjen e vështirë, por të vazhdueshme të bujqësisë, përmes plot shembujsh kuptimplotë, si ky i Nedrete Arapit dhe familjes së saj nga Zgjana”, shkroi Rama. /tesheshi.com/
