Kryeministri Rama ka vijuar të lëshojë akuza SPAK, paçka një justifikimi të kreut Arben Kraja, që, rasti Dvorani është mbyllur, apo se struktura që ai drejton nuk udhëhiqet nga politika.
Rama përsërit rastin e Adrian Dvoranit, duke i mëshuar emrit të Ilir Metës.
“Meqë ka marrë përsipër të sqarohet SPAKU do të duhej të sqaronte pse reagoi rrufeshëm për një kallëzim absurd për një vepër penale imagjinare të njeriut të shpallur nga DASH kampion i antikorrupsionit, ndërkohë që për kampionët e korrupsionit në drejtësi s’ka lëvizur ende gishtin!
Unë nuk i heq asnjë presje asaj që deklarova sot dhe nuk mjafton që SPAKU të thotë se e paska pushuar çështjen, pasi faktikisht e mori peng gjykatësin në fjalë pa asnjë arsye në botë, duke i shkuar praktikisht pas avazit Armikut NR.1 të Reformës në Drejtësi, Ilir Metës”, shkroi i pari i qeverisë në FB. /tesheshi.com/
