Kryeministri Rama ka shapllur më në fund publikisht atë që politikisht dhe logjikisht merret me mend: qeveria nuk mund të mbështesë financiarisht produkte “non grata” amerikano-britanike, veçanërisht amerikane, siç është Berisha.
“Kush do fusi gomarin me veshë të gjata në Bashki, ta harrojë mbështetjen nga qeveria.
Ne nuk mund të na vënë përpara faktit të kryer dhe të na detyrojnë të bashkëpunojmë me individë të shpallur ‘non grata’, jo nga unë, as nga Mali i Zi, as nga Maqedonia, por nga SHBA.
Me SHBA do luftojnë?
Kjo nuk është sfidë, por turp dhe me këtë turp Shqipërisë ne nuk do ia lejojmë”, tha Rama nga Kamza, aty opozita Berisha-Meta ndejnë se kanë një bastion të tyre.
Dhe kjo në fakt duhet të jetë çështja më e debatueshme e këtyre zgjedhjeve.
SHBA e ka bërë të qartë se nuk njeh asnjë produkt(njerëzor) që rrjedh nga “non grata”(Berisha), që do të thotë politikisht se si aleat strategjik i Shqipërisë i lejohet t’i diktojë qeverisë “mosnjohjen” dhe prej saj njerëzve të Berishës në pushtet.
Por dhe sikur mos ndodh kjo, pra që qeveria të sillet normalisht me çdo kryebashkiak të Berishës, aplikimi për fonde nga institucione financiare ndërkombëtare prej tyre, në kushte “non grata”-je amerikane, plus dhe britanike, si dhe një distancimi të qartë nga BE, do ishte i pamundur. /tesheshi.com/
