Kryeministri Rama e ka injoruar tërësisht 13 Tetorin e Metës, pra idenë e këtij të fundit për zgjedhje të trefishta atë ditë apo datë, që së fundi gjeti mbështetje dhe nga kreu demokrat Basha. Sipas tij, zgjedhjet lokale morrën fund më 30 qershor.
Zgjedhjet janë bërë në 30 Qershor, jemi shumë të angazhuar për të filluar mbarë procesin e qeverisjes vendore për këtë kemi ngritur edhe këshillat drejtues, nga unë në Veri, kryetari i grupit në Shqipërinë e Mesme dhe Gramoz Ruçi për Jugun. Ky është fokusi jonë. Ne e kemi sfidën me problemet e vendit dhe të njerëzve dhe jo të opozitës jashtë parlamentare apo Presidencës. 13 tetori për mua është njëlloj si 12 tetori, 14 tetori, si 22 dhjetori, nuk njoh ndonjë 13 tetor” deklaroi Rama gjatë një prononcimi për mediat pas mbledhjes së kryesisë së PS-së.
Kreu i mazhorancës shprehur gadishmërinë për dialog, por siç tha, duke respektuar rregullat e lojës.
“Ne jemi të disponueshëm për t’u ulur në tryezë për të diskutuar për sfidat e vendit dhe çka është e rëndësishme në funksion të rregullave të lojës. Përsa i përket Kushtetutës, ligjshmërisë nga njëra anë dhe mandatit tonë qeverisës sonë nuk janë çështje që i kemi në diskutim me askënd tjetër. Jemi një shumicë që kemi detyrimin që të forcojmë kulturën e ligjit dhe ligjshmërinë në cdo aspekt dhe që kemi detyrim që të mbajmë me nder dhe dinjitet një mandat që na është dhënë deri në 2021”, theksoi Rama. /tesheshi.com/
