Kryeministri Rama shprehu sërish gadishmërinë për dialog me opozitën jashtëparlamentare, gjatë një fjalimi në seancë parlamentare, ku si temë kryesore rekomandimi mbi çeljen e negociatave.
“Ne mbetemi të vendosur që të stimulojmë një proces dialogu me opozitën, por pa diskutim nuk kemi asnjë gatishmëri për të negociuar Kushtetutën si ligj themelor që na imponon të gjithëve ta respektojmë në funksion të zgjedhjeve që i përkasin popullit sovran dhe jo partive.
Ne kemi gjithë gatishmërinë të dialogojmë me opozitën jashtë parlamentare, por asnjëherë nuk do të negociojmë legjitimitetin dhe detyrimin për vazhdimësinë e këtij parlamenti, që buron nga një mandat i qartë, në bazë të të cilit është e pamundur që atyre që na kanë zgjedhur t’u themi: na falni po ata që nuk i zgjodhët për të qeverisur do të kenë prioritete në raport me ju që na zgjodhët për të qeverisur”, tha Rama.
Sa i përket rekomandimit të KiE-së, Rama tha se opozitës i takon të bëhet njësh me interesin kombëtar në këtë rast e jo të punojë kundër hapjes së negociatave.
“Është për të ardhur keq, e pakuptimtë në aspektin strategjik, se negociatat nuk janë të një partie, i gjithë ky proces nuk ka qenë procesi i një pale”, theksoi i pari i qeverisë. /tesheshi.com/
