Duke publikuar të tjera hotele të bllokuar nga Tatimet, kryeministri Rama ka bërë dhe një përçapje se përse e bëhet e gjitha kjo; pra pse shteti po lufton fort informalitetin. Sipas tij, kush i bishtnon shtetit, detyrimeve, fut duart në xhepat e njerëzve.
“Koka ben koka peson dhe nuk thotë kot populli, tahmaja e madhe te le pa gje.
Vazhdoni bosa vazhdoni, luani si miu me macen me shtetin e me konsumatorin, se do ta paguani me qimet e kokës këtë lojë; kush më shpejt e kush më vonë, o do futet në Rreshtin e Ligjit dhe s’do prekë lekët e popullit që ka brenda kuponi për çerdhe, kopshte, shkolla, ambulanca, spitale, o do mbetet me gisht ne goje.
ZeroTolerancë për këdo që fut duart në xhepat e njerëzve sa majtas e sa djathtas dhe prek arkën e shtetit” shkruan Rama. Prej 1 gushtit aksioni anti-informalitet është fokusuar edhe te kontrolli për të kaluar në sitë të gjitha pikat e karburanteve”, shkruan Rama. /tesheshi.com/
