Në funksion të nxitjes së një kurajoje publike, kryeministri Rama publikoi treguesin grafik të Shqipërisë në lidhje me ecurinë e infektimit me Corona, duke thënë se falë Zotit po ia dilet. Së paku deri më tani.
“Kurba e përditësuar sot, me ndihmën e Zotit dhe rezistencën e madhe të të gjithëve ju, ne do t’ia dalim po nuk lëshuam asnjë centimetër vijën tonë të hekurt të mbrojtjes”, shkroi shefi i qeverisë.
Sipas tij por dhe sipas autoriteteve shëndetësore shqiptare, pritshmëritë kanë qenë për tregues shumë më negativë.
Për Ramën, dy javët e para të prillit do jenë përcaktuese nëse më vonë do shihet mundësia e një kthimi gradual në normalitet. /tesheshi.com/
