Kryeministri Rama avokoi vijimin e vaksinimit me AstraZeneca, gjatë një inspektimi në një qendër vaksinimi në Durrës, duke thënë se është tjetërkush që vendos që duhet apo jo të vijojë ky proces vaksinën suedezo-britanike.
“Ne do vazhdojmë vaksinimin tani, nuk do e ndalojmë pa pasur në evidencë shkencore, pasi OBSH dhe EMA deri tani ka vlerësuar dobitë e vaksinës. Nëse thonë ndaloni, do ndalojmë. Sot po flisja me Londrën, aty janë bërë miliona doza AstraZeneca dhe s’ka asnjë problem”, argumentoi Rama.
Sipas tij, te përfoljet për AstraZeneca-n duhen parë dhe arsye të tjera.
“S’kanë faj njerëzit që shqetësohen nga lloj lloj lajmesh, lloj lloj lëvizjesh që mund të kenë 1001 arsye. Eshtë luftë e madhe për jetën por dhe tregtare. Nuk e kanë ndërprerë vaksinimin Hungaria, Çekia, Kanada, Belgjika, Polonia, Serbia etj.”, shtoi ai. /tesheshi.com/
