Kryeministri Rama ka promovuar së fundi të kundërtën e trendit në Shqipëri e rajon, atë të ikjeve, duke treguar për një kthim në Shqipëri nga Greqia, të një familjeje, e cila i është futur vajit të ullirit me hapjen e një fabrike.
Sipas të parit të qeverisë, kjo ka ndodhur pikërisht nga mbështetja e qeverisë.
“Përmes programeve të mbështetjes së qeverisë, fermerët shqiptarë po kultivojnë çdo vit e më shumë kultura të shumta bujqësore, duke ngritur edhe fabrika për përpunimin e tyre.
Familja e Pëllumb Jollës nga Dumreja pas vitesh të gjata emigrimi në Greqi vendosi të kthehej në vendlindje e të investonte në hapjen e një fabrike për prodhimin e vajit të ullirit, një kulturë mjaft e përhapur në zonën e Dumresë.
Fabrika furnizohet nga një rrjet i gjerë fermerësh duke siguruar certifikimin, standardin, cilësinë dhe paketimin e duhur për të konkurruar në tregun vendas dhe atë të huaj”, shkruan Rama. /tesheshi.com/
