Duke e shndërruar “durimin” në kryefjalë të mesazheve të tij, kreu i qeverisë Rama përcolli një verset kuranor ku durimi poteencohet si virtyt.
“O besimtarë! Bëjuni të durueshëm dhe nxiteni njëri-tjetrin të jeni të tillë”, janë “Fjalët e Shenjta”që përcjell i pari i qeverisë, referuar Librit të Islamit.
Duke shpallur masat drastike, Rama bën thirrje të shpeshta për durim në këtë situatë të pazakontë infeksioni, të cilën ai e cilëson si “luftë”.
Në bindjen e Ramës, nëse do tregohemi të durueshëm në dy javë vetëizolim në banesa, do shpërblehemi me triumfin në këtë luftë ndaj një armiku të padukshëm.
Ndërkohë, në një mesazh të fundit, i pari i qeverisë bën me dije një akt normativ të sapomiratuar, duke e trajtuar si “ligj lufte”.
– AKTI NORMATIV HYRI NË FUQI DHE NGA SOT KA FORCËN E LIGJIT DERI NË PËRFUNDIMIN E LUFTËS
Ndër të tjera:
– NË VARËSI TË DINAMIKËS SË SPITALIZIMIT TË TË PREKURVE NGA COVID-19, ME URDHËR TË MINISTRIT PËRGJEGJËS PËR SHËNDETËSINË, VENDOSEN NË DISPOZICION EDHE STRUKTURAT PRIVATE SPITALORE, AMBULATORE, HOTELIERE, AUTOAMBULANCAT DHE PERSONELI PËRKATËS, SHËNDETËSOR E MBËSHTETËS.
– MOSZBATIMI I KËTIJ URDHËRI DËNOHET ME GJOBË NË MASËN 5 000 000 (5 MILIONË) LEKË. NË RAST MOSBINDJEJE PAS VENDOSJES SË GJOBËS, STRUKTURA PËRKATËSE VENDOSET FORCËRISHT NË DISPOZICION TË SHËRBIMIT PUBLIK SHËNDETËSOR DHE PERSONELI PËRKATËS ËSHTË I DETYRUAR TË SHËRBEJË NËN DREJTIMIN SHTETËROR TË STRUKTURËS GJATË GJITHË KOHËZGJATJES SË INFEKSIONIT. /tesheshi.com/
