Kryeministri Rama ka prezantuar në parlament buxhetin e vitit 2018, ku si kryefjalë pati rritjen ekonomike, sipas tij të provuar dhe nga institucione ndërkombëtare
“Në tremujorin e dytë prekëm kufirin e 4 përqindëshit dhe siç konfirmojnë të dhënat kemi një gjallërim të kërkesës së brendshme private. Dhe këtu vlen të nënvizohet rritja reale e konsumit në gjysmën e parë të vitit që po mbyllim, që vijoi në trendin pozitiv të rritjes reale mesatare të vitit të shkuar”, tha Rama. Sipas tij, buxheti është ndërtuar i gjithi me përgjegjësi dhe realizëm.
“Mjafton të shohim të ardhurat nga tatimet dhe doganat që janë rritur me 7 për qind, ndërsa ato nga kontributet shoqërore me 10 për qind. Në tërësinë e vetë rritja reale ekonomike pritet të jetë 3.9 deri në 4 për qind”, ka theksuar shefi i qeverisë, ku veçoi sërish programin “1 miliard” në investime publike. /tesheshi.com/
