“…nga skllavja Izaura, në versionin Luli dhe Mona” – ishte kjo një ndër frazat e kryeministrit Rama gjatë fjalës së tij në parlament, teksa mbrojti ligjin e mbylljes së lojrave të fatit. Duke komentuar akuzat e opozitës se ky ligj, ose më saktë debati mbi lojrat e fatit u hap vetëm me qëllimin e largimit të vëmendjes, Rama iu përmbajt me ironi të njëjtit version, kur tha “nga çfarë do ta tërhiqnim vëmendjen? Nga Babalja, nuk po na e ndjek më kush Babalen…” dhe më pas doli te Izaura.
“Skllavja Izaura” është një film brazilian i shfaqur në ekranin e TVSH në mesin e viteve ’80-të, duke marrosur të madh e të vogël, por sidomos gratë, meqë në qendër të fabulës së filmit që pikërisht një femër, një vajzë e më pas grua, Izaura, një mulate e rritur në një fermë së cilës fati do i rezervonte, për shkak të bukurisë së saj, një melodramë jetësore.
Ky film, ashtu si dhe “Shigjeta e Zezë” para saj me love story-un mes luftëtarit Dik Shelton dhe Xhoanës, ishin në fakt të gjinisë telenovelë, por që nuk njihej në atë kohë.
Ato ishin filma me shumë seri, që i përkisnin gjithnjë si fashë programative orës 20.30 çdo të enjte. /tesheshi.com/
