Kryeministri Rama, duke iu referuar pretendimit më të fundit të presidentit Meta për mosdekretimin e Sandër Lleshit si ministër i ri i Brendshëm, atë mbi statusin e ushtarakut, shprehu besimin se kjo nuk do jetë asfare pengesë për dekretim.
Presidentit i është dhënë mundësia të kërkojë tërheqjen e Sandër Lleshajt nga çdo lloj statusi publik. Ose nëse nuk pajtohet me të, do të ushtrojë si president çdo kompetencë për ta ç’dekretuar Sandër Lleshin dhe për t’a dekretuar sërish. Një ushtarak aktiv, s’mund të ushtrojë detyën e ministrit, por fare mirë tërhiqet nga statusi i tij, në momentin kur vendoset si ministër. I kemi dhënë mundësinë të zgjedhë çfarë të dojë. Në të dyja rastet, këto të dyja çojnë tek dekretimi i ministrit të Brendshëm. Kam besim se presidenti do të arrijë në përfundimin e duhur. Ajo që ndodhi me vendimin e tij për të mos marrë vendim, do të kalojë dhe presidenti do e dekretojë ministrin e Brendshëm”, tha Rama i ftuar në Repolitix në A1 Report.
Megjithatë, argumenti i Metës nuk e ka bindur Ramën, ndaj ky i fundit u shpreh se nuk donte të mendonte që presidenti në këtë rast po bën opozitarin.
“Është një arsye që s’di si ta quaj…uroj që realisht Meta të ketë shqetësimin që ka shprehur dhe të mos jetë viktimë e trazirës morale e psikologjike e opozitës që mund të ketë influencë mbi të, për të patur një rol destruktiv. E kam thënë dhe në parlament, për sa kohë që s’kam argument për këtë, me çështjen është aktiv, s’është aktiv, e zgjidhim”, theksoi kryeministri.
Në anën tjetër, edhe ambasadori i BE-së në Tiranë, Luigi Soreca kërkoi që kjo çështje të marrë zgjidhje sa më shpejt.
“Presim që ministri i Brendshëm të emërohet së shpejti dhe kjo është ajo që ëenkuptoj me Ministri plotësisht funksionale, sepse Policia e Shtetit, komuniteti ndërkombëtar, të gjithë duhet të kenë forcën e Ministrisë së Brendshme”, tha diplomati italian i ftuar në Opinion. /tesheshi.com/
