Kryeministri Rama tha në një intervistë për Bild-in gjerman se krerët e shteteve të Bashkimit Evropian po bllokojnë pranimin e vendit të tij dhe Maqedonisë së Veriut për arsye populizmi.
BE ka “thyer premtime” dhe po çon një përçarje në popujt e Ballkanit me “cinizëm politik. Si në historinë “Në pritje të Godosë”, thotë Rama. Sipas tij, “vetëm flitet, por asgjë nuk ndodh!”
“Ishte një ambicie e dashur për shumë kohë nga kombet tona, Shqipëria dhe Maqedonia e Veriut për t’u bashkuar me Bashkimin Evropian dhe kështu t’u mundësojnë qytetarëve tanë të përfitojnë nga një treg i lirë dhe të marrin pjesë në këtë demokraci të madhe.
Më lejoni të bëj të qartë diçka: si Kryeministër i Shqipërisë, unë e njoh plotësisht që ne nuk jemi gati të anëtarësohemi në Bashkimin Evropian sot, as Maqedonia e Veriut ose pjesa tjetër e Ballkanit Perëndimor.
Ka shumë kërkesa që ne duhet të plotësojmë në mënyrë që të bëhemi anëtar. Por dy kombet tona, Shqipëria dhe Maqedonia e Veriut, kanë përmbushur të gjitha dhe më shumë kushtet e nevojshme për të filluar me të vërtetë procesin e negociatave me Brukselin. Një fillim i tillë i negociatave u vendos gjithashtu nga vetë Këshilli i BE në 2018”, ka arsyetuar shefi i qeverisë shqiptare. /tesheshi.com/
