Kryeministri Edi Rama tha se s’ishte aspak i shqetësuar në lidhje me armatimin e Serbisë.
Në një konferencë me gazetarët në kuadër të fundit të një vizite zyrtare në Berlin, Rama u shpreh se Serbia është furnizuar me sistem mbrojtës, ndaj kjo nuk përbën problem.
“Nuk jam i shqetësuar për armatimin në fjalë. Nuk shoh se si një sistem mbrojtje nga raketat mund të jetë kërcënues”, tha kreu i qeverisë shqiptare.
Sipas Ramës, është inkurajues fakti se Serbia ka marrë vendime kundër Rusisë në OKB.
“Serbia ka bërë hapa inkurajues me të dyja votimet në Kombet e Bashkuara. Gjërat duhen parë në kontekst dhe vlerësimet duhen bërë pa harruar kontekstin”, arsyetoi ai+.
Lidhur me një vizitë të mundshme në Kiev, Rama tha se ka të tjerë personalitete para tij që mund ta bëjnë diçka të tillë. /tesheshi.com/
