Kryeministri Rama shpalli në Kongresin socialist atë që mund të quhet dhe një “OFL” nr.2 (Operacioni Forca e Ligjit), ku në fokus nuk do jetë vetëm pasuria e personazheve me njollë të rëndë penale, por dhe e kategorive të tjera të popullatës, me ndryshimin e vetëm se çdo lloj shkeljeje, e cila do jetë e natyrës fiskale, do përfshihet në një aministi të përgjithshme.
“Ne do të shpallim një Aministi të Përgjithshme fiskale dhe penale për të gjitha paratë dhe asetet e padeklaruara, të krijuara në 30 vjet nga puna në emigracion apo në Shqipëri”, deklaroi Rama.
“Do fusim elementin që të gjitha pasuritë e shqiptarëve jashtë do të deklarohen këtu si në çdo vend në botë. Shteti shqiptar duhet t’i dijë, dhe ka të drejtën të të gjëmojë deri në fund të botës nëse ke një shtëpi apo pasuri që nuk e keni deklaruar”, veçoi kryeministri.
Por jo të gjithë do e kenë këtë fat, përfshirë dhe vetë atë.
Ata që nuk i kanë paratë përmes krimit, ose janë politikanë, gjykatës, prokurorë dhe subjekte do japin llogari nga unë i pari për çdo gjë që kemi. Pastaj secili t’i dalë për zot. Nuk ka më aty PS, PD, aty ka ose ndershmëri ose te vendi.
Pra, nga aministia do të përjashtohen vetëm politikanët e familjarët e tyre, gjykatësit/prokurorët e familjarët e tyre, drejtuesit dhe punonjësit e Policisë së Shtetit e familjarët e tyre, si edhe të gjithë drejtuesit e lartë të administratës dhe zyrtarët e shtetit (megjithë familjarët e tyre) që janë subjekt i deklarimit të pasurisë”, tha Rama, duke theksuar:
“Nuk do të aministohen paratë dhe asetet e vëna me aktivitetet kriminale që janë objekt i OFL”, saktësoi Rama.
Por aministia sipas tij, do të çojë në legalizimin e parave, sidomos të emigracionit;.
“Të tjerët duhet t’i sjellin paratë në Shqipëri dhe t’i fusin në bankë me një interes minimal. Besoj se kjo do të na japë mundësinë ta shtyjmë ekonominë edhe më shumë. Kur kalon afati kush nuk i ka deklaruara do japin llogari. Kur mbaron afati pastaj, je tek OFL, ke bërë e nuk ke bërë krime.
Aministia do të ketë një afat dhe përtej afatit, çdo pasuri e tundshme apo e patundshme, në Shqipëri apo jashtë saj, që nuk do të jetë formalizuar, do të jetë objekt i Luftës Kundër Parasë së Zezē dhe Aseteve të Paligjshme”, paralajmëroi shefi i qeverisë.
Përkthyer ndryshe, në pjesën që nuk përfshihet në amnisti, Rama do detyrojë çdo politikan që të vërtetojë se si e ka bërë pasurinë. /tesheshi.com/
