Kryeministri Rama paralajmëroi normë ligjore ndaj atyre që lënë tokën djerrë.
Në një takim me fermerë në Fier, ai tha se toka nuk është vetëm private por ka dhe vlerë publike.
“Sot kemi ende toka të papunuara, por s’duhet të falim asnjë metër katror tokë bujqësore.
Ndaj i kam kërkuar deputetëve të ulen bashkë me ju e të punojnë me Ministrinë e Financave për të vënë një normë ligjore që kush nuk e punon tokën, nuk mund ta lërë djerrë dhe të rrijë rehat e të thojë s’ta jap me qera, s’ja jap kujt ta punojë se dua ta rrethoj ta mbaj me plehra.
Këtë se lejon asnjë vend, se toka aq sa është e jotja private, aq është dhe pasuri publike. S’mund të lihet toka bujqësore me plehra, djerrë”, arsyetoi i pari i qeverisjes. /tesheshi.com/
