Kryeministri Rama i bëri thirrje opozitës të mos e vazhdojë më lojën e bojkotit. “Fletët e votimit po shtypen dhe zgjedhjet do mbahen më 18 qershor”, tha Rama gjatë një fjalimi në kongresin elektoral të partisë Socialiste, ku u paraqit edhe programi zgjedhor.
“Parlamenti i ri do të nisë jetën me zhbllokimin e vettingut menjëherë pas qeverisë së re. Do jetë parlamenti i parë pa Saliun, por jo pa opozitë. Saliu e gjeti vetë rrugën pa kthim në atë sallë ku cënoi çdo normë edukate. Shkeli çdo porosi të kanunit, shau shpifi e kërcënoi tërë dynjanë në një ditë, më shumë se 100 pijanecët e mbledhur bashkë. Rrëmbeu PD në 90 e çoi në humnerë në 1997, e ringriti dhe një herë dhe tani e mbyti”, analizoi Rama.
Rama sqaroi edhe vizionin e tij kundrejt mundësisë së zgjedhjeve pa opozitën dhe parlamentit që do të dalë prej tyre.
“Sot që PD ka ikur ka më shumë kuptim se kurrë që të shfrytëzojmë këtë boshllëk të lënë prej saj për të plazmuar një unitet të ri me punë dhe mirëqënie për të gjithë”, tha Rama. Ai iu përgjigj edhe skenarëve për zgjedhje të parakohshme, shpejt pas 18 qershorit.
“Kujtdo që mendon se parlamenti do ta ketë jetën e shkurtër ngaqë PD do jetë jashtë saj, gabon sepse liria e zgjedhjeve do të prodhojë opozitën e re parlamentare”, theksoi Rama. Sipas
Rama falenderoi Namik Doklen, Valentina Leskajn, Arta Daden, tre socialistë të vjetër që nuk janë më në listat e kandidatëve.
“Zgjedhjet këtë herë janë historike sepse vendoset si do të jetë nesër Shqipëria e atyre që lindin sot. Si do të jetë Shqipëria që po rilindim pasi e morëm në dorë të rrënuar pa shtet”, tha Rama. /tesheshi.com/
