Kryeministri Edi Rama ka shfrytëzuar takimin me kreret lokalë për të folur për programin e ri të rindërtimit që do të ndërmarrë shpejt qeveria e tij. Ai tha se ky program do të ketë tre shtylla, dhe kërkoi përfshirjen e vendorëve të çfarëdo partie në këtë program.
“Programin e ri i rindërtimit ka tre shtylla, infrastrukturë rrugore, në këtë rast nacionale, por që do i shërbejë shumë bashkive, infrastrukturë rurale dhe turistike, dhe këtu bashkëpunimi do të jetë i drejtpërdrejtë me bashkitë, infrastrukturë arsimore për rindërtimin e mbi 10 shkollave që janë në gjendje jo të mirë në territorin e Shqipërisë. Dhe këtu bashkëpunimi me ju është kyç dhe infrastrukturë shëndetësore për ngritjen e 10 poliklinikave moderne në vend dhe një spitali rajonal në Fier”, tha Rama.
Sipas tij ky projekt do të injektojë në ekonominë shqiptare 1 miliardë dollarë në harkun e tre viteve të ardhshme. Ndërkaq, duke folur për rilindjen e fshatit, Rama tha se janë mbështetur 136 projekte bashkish. Ai bëri thirrje për përdorimin brenda një viti buxhetor të fondit. /tesheshi.com/
