Pas largimit të drejtorit të LSI-së, është emëruar kreu i ri i Operatorit të Shpërndarjes së Energjisë.
Ai do të jetë Klodian Gradeci, 42 vjeç, që ka një përvojë të gjatë në sektorët shqiptarë të energjisë, ndërkohë që eksperiencën më të fundit e ka si administrator i korporatës publike të Gazit, dhe është një prej të rinjve që prej 4 vitesh janë trajnuar nga Universiteti i Harvardit në bashkëpunim me qeverinë shqiptare për të përgatitur menaxherët e rinj në Shqipëri.
Gradeci, në CV-në e tij paraqet një eksperiencë të gjatë në thuajse të gjithë sektorët e energjisë në Shqipëri, ku ka punuar përveç AlbGaz-it, edhe në Operatorin e Shpërndarjes së Energjisë, si Drejtor i Aseteve, por edhe në Agjencinë Kombëtare të Burimeve Natyrore. /tesheshi.com/
