Kryeministri Rama kumtoi nga Kukësi, në një fjalëmbajtje në kantierin e rindërtimit të areoportit të atjeshëm, nevojën e një mandati të tretë qeverisës.
Sipas shefit të qeverisë, Shqipëria nuk mund të kthehet pas me ritmin e punëve që po kryhen, sidomos në infrastrukturë, ku veçoi edhe Rrugën e Kombit, e po ashtu areoportet.
“Shumëkush pyet pse na duhet një mandat i tretë, pse unë kërkoj së bashku me skuadrën një mandat të tretë. Për një arsye shumë të thjeshtë: sepse kthesa që kemi marrë, e çon Shqipërinë në një nivel tjetër që nuk mund të zbrapset, ku shumë ç’ka ka nisur të marrë formë, si aeroporti.
Ata duan të vijnë në krye të vendit pa asnjë reflektim. Çfarë ndodhi me rrugën e Kombit, a u arrit si vepër nga fillimi në fund, me te gjithë standardet e sigurisë? Përkundrazi, edhe ajo rrugë që u përurua për zgjedhje, sikur të ishte bashkimi i Shqipërisë dhe Kosovës dhe jo thjesht hapja e një tuneli, që dhe ky i papërfunduar, u la rrugëve.
Shikoni ç’po ndodh sot me rrugën e Kombit, një ndryshim cilësor i standardeve, i të ndërtuarit në funksion të çdo qytetari.
Shikoni se çfarë vepre e jashtëzakonshme inxhinierike po merr formë në nyjën kryesore. Shikoni aeroportin….Nuk ishte absolutisht një pistë që mund të shërbente si aeroport ndërkombëtar, për të ulur këtu avionët e pasagjerëve. Ja ku jemi sot, në një punë instensive, me një terminal që tashmë ka marrë formë për një aeroport.
Do jetë aeroport që do ketë linja që si ka Tirana e as Prishtina, do sjell 1000 vende pune direkte dhe të tjera që do vijnë si rrjedhojë e punës.
Shumë më thonë ‘ç’i do se ne s’kemi, bukë’, por ju them se aeroportet janë investime shumë të mira që sjellin të ardhura, se nuk janë pista vrapimi.
Shishtaveci, ëndërr e kahershme për një pikë turistike atje, si një resort skish, po ça mund të bëjë atje kur s’kishte rrugë. Por duke pas aeroportin këtu, mundësia për ta zhvilluar atë bëhet më reale.
Aeroporti i Sarandës: nëse Shqipëria ka katër destinacione që ofrojnë gjëra të ndryshme, potenciali ynë është shumë herë dhe shumë më shpejt i realizueshëm. Prandaj Rinasi është i shtrenjtë se s’ka konkurrencë. Kur të ketë në Sarandë e Kukës, do ulen çmimet. Sot Rinasi është monopol dhe ne nuk vëmë dot kushte se nuk jemi në komunizëm.
Imagjinoni tani që PS ta ndërpresë këtë, se çfarë ndodh me ata që duan të vijnë. Për fat të mirë i njohim, i kemi parë në punë, e kanë pasur mundësinë të bëjnë ç’a kanë premtuar, por janë të pakualifikueshëm për një vend pune, se dhe një vend pune në parlament e lanë, e tani dalin rrugëve si të dehur.
Më thoni një sfidë që e fituan kur ishin në fushë”, tha Rama.
Kreu i mazhorancës reagoi dhe ndaj ofezave të presidentit ndaj tij, duke thënë se “ne i dhamë një president opozitës, jo lolo”.
“Fakti që Ilir Meta është kthyer në lolo, nuk do të thotë që ka qenë në të shkuarën. Çfarë borxhi i kanë shqiptarët”, tha Rama. /tesheshi.com/
