Kryeministri Rama iu drejtua për ndihmë imamit të njohur për filantropinë sociale, Elvis Naçi, ku së bashku me të qenë në Thumanë, atje ku pati shembje pallatesh e ku u shënuan me dhjetra viktima. Pa u kompleksuar nga mpleksja me një të goditur nga një pjesë e medias që konsideron mëkat blerjen e një shërbimi spitalor në funksion të bamirësisë, Rama tha se thjesht po bënte punën e tij:
“Është shumë e rëndësishme që të bëjmë një plan kombëtar. Pastaj në këtë program çdo njëri merr pjesën e vet.
Kjo është ideja e këtij komuniteti. Po përpiqemi për të shtuar fuqitë financiare. Nuk mjafton buxheti i shtetit. Bëhet fjalë për një rindërtim që i kalon përmasat e ndërtimit.
Në Serbi pati një përmbytje dhe u përballua me konferenca donatorësh. Unë këtë punë kam, kam harruar të fle gjumë. Por ma kujtoni kur të flas përçart”, tha shefi i qeverisë me në krah imam Naçin.
Ky i fundit ndërkohë u tregua kritik ndaj atyre që mbjellin paragjykime, e për rrjedhojë pabesueshmëri në ofrimin e atyre çfarë është më e nevojshme; para për rindërtim.
“Nuk e ke idenë me sa njerëz kam folur që e kanë problem besueshmërinë. Nëse ndërtohet një strukturë transparente ne do tia dalim më së miri dhe shqiptarët do të na besojnë.
Jetë nuk japim dot por do të përpiqemi të japim diçka të mirë. Të jemi më afër se kurrë me njëri-tjetrin dhe le të bëjmë më të mirën, në këtë situatë që po kalojmë.
Jemi në një situatë emergjente që nëse nuk do të jemi të besueshëm, për ne nuk ka prioritet që të dhurojmë shtëpia për këto banorë”, tha imam Naçi me në krah shefin e qeverisë. /tesheshi.com/
