Rama në “Studio e Hapur”, dy orë me Zotin në gojë

Ka qenë një emision ku padyshim ka thyer rekordin e përmendjes së Zotit nga ana e kyeministrit Edi Rama, i cili e ka lutur rregullisht Atë para sikletit të llojit të pyetjeve apo komenteve nga ana e gazetares Eni Vasili.

Edhe në fund, ai iu lut Zotit që të ftohej sërish në studio që të fliste për tema, që sipas tij do ishin më interes për shqiptarët se sa ato që – dhe këtu vjen shprehja tjetër më e artikuluar – “katundi mediatiko – politik” i trajton çdo ditë pa ndërprerje nëpër studio televizive.

Por tej ironizimeve, Rama tha seriozisht se Meta mund të bëhet kryeministër  kur LSI të dalë e parë në votime; se është 100 për qind i sigurt se e kaluara e Fatmir Xhafës është tërësisht e pastër; se nuk ka krizë politike por krizë të opozitës; se nuk do të ketë asnjë qeveri teknike; apo se për Vetingun ka dy rrugë: Të bëhet ose të bëhet! /tesheshi.com/