Në samitin e BERZH-it në Londër, aty ku marrin pjesë kryeministrat e rajonit, shefi i qeverisë shqiptare mbrojti “Schengenin” rajonal, duke e bërë këtë në prani të homologut kosovar Albin Kurti, e thënë se nuk është fare “mini”, siç dhe i thonë.
“Kush shpiku ‘Mini Shengenin’, nuk është mini. Është rajonale, një hapësirë e përbashkët rajonale, që i referohet Sehngenit, për të kuptuar për çfarë bëhet fjalë, për 4 liritë e Europës”, tha Rama.
Ai vlerësoi samitin si shenjë të një ere të re në rajon.
“Mos harroni se deri në 2014, nuk ishim ulur kurrë në një takim të gjithë së bashku; për t’u ulur pa armë dhe pa urretje, pa gjakderdhje dhe për të ulur për të folur për të ardhmen. Tani na duhet të ecim përpara dhe ta shndërrojmë paqen në një instrument begatimi. Kjo nuk është e lehtë, sepse është e shkuara. Kemi ende probleme të mëdha që duhen zgjidhur.
Ne po punojmë së bashku dhe po ecim përpara, që të jetë ndryshe nga ajo që trashëguam brez pas brezit. Kjo mendoj se është shumë e rëndësishme. Kjo nuk ka të bëjë vetëm me paqe, por për të ardhmen e popujve tanë”, theksoi Rama. /tesheshi.com/
