Në një takim elektoral në Kamëz, kryemistri Rama theksoi diferencën ne moralin politik mes tij dhe Bashës, referuar faktit se ai e ftoi për bashkëpunim pas zgjedhjeve një ditë më parë, por që u refuzua nga kreu i opozitës.
“Ai është udhëndjekësi i Saliut dhe Ilirit se unë për Shqipërinë dhe shqiptarët jam i gatshëm që të shkoj përtej ndasive të 30 viteve, por që ta bësh këtë duhet të jesh lider, udhëheqës, duhet të kesh forcën e karakterit, vizionin e të ardhmes, duhet të jetosh së brendshmi me hallet e njerëzve, duhet të rrish pa gjurmë kur njerëzit janë pa çati, apo pa gjumë se kanë ankthin si do të dalin nga pandemia”, tha Rama.
Për Ramën, të votosh Bashën do të thotë të gënjesh veten se “jeta ëshët qejf”.
“Ose votoni për Lulin dhe prisni të merrni lekë dhe të rrini duke menduar se jeta është qejf, ose të fillojnë dhe të mendojnë bashkë se si mund të jenë ato familje që do të shkojnë te shtëpia e stërgjyshërve të tyre dhe do të bëhen sipërmarrës me ndihmën e pushtetit tonë, që ato dyer të vjetra të hapen dhe të sjellin fitime nga puna, jo nga qielli”, tha Rama. /tesheshi.com/
