Kryeministri Rama e kryebashkiaku Veliaj, ishin në Farkë për të mbjellë 1 mijë pemë, një inisiativë e presidentit Erdogan, e cila përfshin 30 vende të botës, ku në një ditë e në një orë mbillen miliona pemë.
“Ky është edicioni i dytë i një festivali ndërkombëtar, organizuar nën kujdesin e Erdogan. Në edicionin e parë në shumë vende të botës në të njëtjën orë janë mbjellë 1 milion pemë. Kjo ka hyrë edhe në Guiness të rekordeve.
Sot në Tiranë jemi së bashku në të njëjtën orë me një numër të konsiderueshëm të vëndeve të tjera për të mbjellë në liqenin e Farkës 1 mijë pemë në një proces ku Tirana ka qenë në vijën e parë me një ndërprerje të vogël.
Shumë faleminderit për këtë nismë dhe për praninë e vetë ambasadorit, një mik i mirë i shqiptarëve siç është padyshim i tillë edhe Erdogan”, tha Rama.
“Ky projekt është një projekt që është filluar nëpërmjet iniciativës kryesore të Erdogan vitin e kaluar dhe tashmë siç po e shikojmë, po përhapet dalëngadalë në të gjitha vendet e rajonit. Po zbatohet në 30 shtete të botës”, tha ambasadori turk Murat Ahmet Yoruk. /tesheshi.com/
