Kryeministri Rama duket se i ndjek me jo më pak interes sesa mbështetësit e Opozitës, deklaratat e kreut të partisë Demokratike, Lulzim Basha nga çadra e protestës. Kështu menjëherë pas deklaratave të Bashës, Rama reagoi në Facebook duke e quajtur atë gënjeshtar.
“Oh ç’gënjeshtar! Lulëzim, ti përsërit papushim se kjo qeveri e ka shtrenjtuar energjinë pêr të gjithë dhe u qan hallin të varfërve që iu hoq fasha deri në 300kë! Atëherë mësoje të lutem se heqja e fashës nxorri në dritë abuzimet e tmerrshme të kohës së qeverisë tënde, kur shumë njerëz me vila e me biznese fshiheshin pas fashës si të varfër. Ndërkohë sot kjo qeveri u paguan të familjeve të varfra çdo muaj diferencën e rritur nga heqja e fashës. Pra për xhepin e familjeve te varfëra pagesa e energjisë mbetet ajo që ishte. Ndërkohë le ta mësojnë të gjithë se sa paguan ti vetë sot për energjinë krahasimisht me dje, falë investigimit të bërë nga media që tregon këmbët e shkurtra të gënjeshtrave të tua të gjata”, shkruan Rama. /tesheshi.com/
