Nuk dihet nëse bëhet fjalë vërtet për trupën e famshme koncertore të Vjenës, por kryeministri Rama ka postuar lajmin për “Koncertin e Vjenës në Tiranë!”
“Një ëndërr bëhet realitet”
“Falë një bashkëpunimi që kurorëzohet pas një përpjekjeje jo të vogël së bashku me Shkëlzen Dollin, në 2 janar vjen në Tiranë, të nesërmen e Vjenës, një koncert i jashtëzakonshëm”, ka shkruar Rama duke mos specifikuar më tej se për çfarë realisht bëhet fjalë.
Koncerti i Vjenës, aty ku luhen pjesët më brilante të muzikës klasike, është evenimenti më prestigjoz në botë, i cili ndodh çdo 1 janar. Një vit më parë, lajm ishte se dhe një shqiptar është bërë pjesë e tij, violinisti gjakovar Shkëlzen Dolli.
Edhe në vitet e komunizmit, sistemi jua ofronte shqiptarëve nëpërmjet televizionit shtetëror Koncertin e Vjenës. /tesheshi.com/
