Kryeministri Edi Rama ka ashpërsuar gjuhën me ushtrinë e tij parlamentare, ku më shumë se direktiva i ka urdhëruar për një sërë aspektesh të aktivitetitb të tyre politik, në trajtë “tërheqje veshi”
“Mos u merrni me punësime me mesazhe. Zgjedhjet në administratë duhet të bëhen përmes konkurseve. Lërini konkurset të funksionojnë. Kujdes me emërimet, ato të bëhen bazuar në anën profesionale, jo militante”, mësohet të këtë thënë kreu i mazhorancës në mbledhjen e grupit.
Po ashtu, me një gjuhë fushate, ai u ka kërkuar atyre që të rishohin raportet me njerëzit.
“Qytetarët kanë halle, pse nuk jeni pranë tyre? Bëni kujdes me ta. Drejtorët qesharakë militante sjellin 10 vota, por heqin 10 çdo ditë duke bërë të pakënaqur njerëzit”, është shprehur Rama. /tesheshi.com/
