E ndërsa Elbasani është veshur kuq e zi sot, Kryeministri Edi Rama e ka cilësuar këtë ndeshje si historike, gjatë një takimi me studentët serb në Shqipëri, ku të pranishëm kanë qenë edhe ministrja e Arsimit të Shqipërisë, Lindita Nikolla, si edhe ministri serb i Arsimit.
“Kjo është një ndeshje historike. Ajo që do ta bëjë historike, jo vetëm këtë vizitë, por që do të fusë në histori shkëmbimet e para në momentet më të vështira mes nesh është ajo që do të ndodhë në 10 ditët e ardhshme, ku popujt tanë do të shikojnë ndryshimet e mëdha në marrëdhëniet mes nesh”,- u shpreh Rama.
Ndërsa ministri serb u shpreh se në ndeshjen që do të luhet sot në mbrëmje do të fitojë Serbia, Kryeministri Rama deklaroi se ajo që ka më shumë rëndësi, është që të fitojë qytetërimi.
“Just play, have fun, enjoy the game”. Shprehja e Michael Jordan duhet t’u vlejë sot të gjithëve atyre që do të shkojnë në stadium”,- ishin fjalët e Ramës./tesheshi.com/
