Shefi i qeverisë shqiptare, Edi Rama, ka pohuar se aksioni e nisur ndaj formalitetit, ka sjellë rezultate të prekshme në treguesit e të ardhurave; dhe paralajmëroi nisjen e një faze të dytë të këtij aksioni.
“Formalizimi është një e mirë e përbashkët”, tha Rama, duke renditur më tej këto shifra:
“Të ardhurat për 3-mujorin e parë të vitit janë përtej parashikimeve, në 3 muaj kemi arkëtuar rreth 100 milionë dollarë më shumë, kemi regjistruar një rritje të ndjeshme në produktet e akcizës, falë rezultateve zeruam taksat për rreth 83 mijë biznese të vogla. Jemi duke mbyllur përfundimisht shtigjet e kontrabandës”.
Por zëra të tjerë, jo vetëm opozitarë, por dhe të pavarur, kanë deklaruar se lufta e shpallur e qeverisë ndaj informalitetit nuk ka sjellë rezultatet e pretenduara.
Dhe tej ballafaqimit shifror, ato mbrojnë idenë se biznesi është përfshirë nga stresi si shkak i presionit qeveritar, e për këtë arsye janë frenuar inisiativat për investime. /tesheshi.com/
